Македонски | Shqip | English |

Нега на стари лица – како изгледа и што опфаќа? 

Негата на стари лица подразбира чување стари лица, најчесто во домашни услови и во нивно познато опкружување. Ваквата нега вклучува медицински третман проследен со различни заболувања, закрепнување од операција или други медицински зафати. 

Негата на стари лица е многу честа тема во многу семејства, имајќи во предвид дека ваквата нега му овозможува значително поквалитетен живот на старите лица, но и на другите членови од семејството кои може да се потпрат на помошта од професионалите негуватели. 

Благодарение на многуте агенции чија основна дејност е нега на стари лица, старечкиот дом не е единствената опција за луѓето кои не може да се грижат сами за себе, со што им се овозможува да останат во сопствениот дом и во кругот на семејството. Во продолжение детално Ви објаснуваме што е и што опфаќа негата на стари лица. 

Нега на стари лица – помош во домот од непроценлива вредност 

Помош во домот на старите лица е од огромна важност, затоа што им се пружа сета неопходна помош во извршување на секојдневните активности, како и соодветната терапија доколку станува збор за лечење или закрепнување од болест. 

Ваквата нега во најголемиот број на случаите подразбира помош во домот за чување на самостојноста. Ова е посебно важно доколку станува збор за личност која има деменција, која благодарејќи на поддршката од професионални негуватели лесно може да функционира без обзир на здравствените проблеми. 

Професионалноста на негувателите е многу важна затоа што тие се оние кои се грижат за правилното и редовното консумирање на терапијата и извршување на вежбите. Личноста која се грижи за постара личност истовремено се труди да го забавува со шетање или други активности кои воедно се здрави и се препорачуваат да се применуваат секој ден. 

Овој аспект има големо значење за лицата кои имаат проблем со движењето, затоа што секојдневните прошетки и трпеливоста од страна на негувателите ги зајакнуваат мускулите, а организмот се навикнува на свеж воздух и секојдневни прошетки. 

Негата на старите лица е многу повеќе од контрола за навремено земање на препишаната терапија 

Иако сите наведени работи се однесуваат на грижа за здравствената состојба на старите лица, треба да се има на ум дека помош во домот на старите лица подразбира и многу повеќе од тоа. Доколку ангажирате негователи да чува постаро лице од Вашето семејство, можете да очекувате и подготовка и сервирање храна за пациентот, одржување на хигиената, како и помош и асистенција при раководење со помагалата за движење. 

Често пати се случува старото лице да не е во состојба самостојно да оди во тоалет, па се ангажира негувател за да биде во помош и во овие ситуации. Тоа значи дека негувателот треба да му даде потполна поддршка и при пресоблекување, капење, сечење нокти и промена на положбата во креветот и сите други секојдневни активности независно дали се однесуваат на движење, хигиена или оброци. 

Зошто е важно чувањето стари лица во домашни услови? 

Негата на лица во домашни услови е особено важна од повеќе аспекти. Прво и најважно што треба да се издвои е удобноста и пријатното чувство во домашното опкружување. Голем е бројот на семејства кои се одлучуваат старите лица од семејството да ги сместат во дом за стари, доколку не се во можност да се грижат сами за себе. 

Ова е идејно решение доколку ниту еден член од семејстово не може да се посвети и да се грижи за најстарите, но тука треба да се земе во предвид фактот дека одењето и сместувањето во дом за стари лица влијае психички и емотивно и за пациентот и за семејството. 

Поради тоа помошта во домот на старите лица е од особена важност, затоа што пациентот останува во својот дом, а другите членови на семејството имаат можност да се посветат на своите обврски, без оптеретување и грижа на совест поради состојбата на старото лице. Со ангажирање на негователи Вие ќе бидете сигурни дека во секое време, постариот член од семејството е згрижен, што значи дека можете да отсуствувате од домот колку што е потребно. 

Понуда за нега на стари лица – кои се посакуваните карактеристики на негователот? 

Негувателот е личност која остварува значително близок контакт со пациентот, па поради тоа неопходно е да се пронајде пријатна личност со професионален пристап кон пациентот и неговите секојдневни активности. 

Трпение, разбирање и достапност се едни од главните особини на негувателот, и со сето тоа, пожелно е негователот да биде професионалец, односно квалификуван негувател кој ја извршува својата работа во некоја здравствена установа. 

Тоа е важно во поглед на подготовка и примена на препишаната терапија од страна на доктор, затоа што стручното лице најдобро знае кога е точно време за одреден лек и на кој начин се изведуваат одредени движења.

Сепак, на нашата веб страна можете да пронајдете искусни, професионални и сериозни негуватели кои ќе пристапат на најдобар начин кон нега на пациентот. 

Доколку на овој начин ангажирате негувател, обрнете внимание на стекнатото искуство и препораките кои ги има. И на крај, разговарајте пред да му ја доделите должноста. 

Секогаш е добро да се оствари контакт со ваква личност за да можете да процените колку е трпелива, доверлива и наклонета кон професијата, затоа што овие карактеристики се од најголемо значење за лицето за кое ќе се грижат. Освен што негувателот е поддршка на лицето во извршување на секојдневните активности, тоа исто така е личност која му прави друштво на пациентот, па затоа е важно личноста да биде пријатна и расположена. 

Освен тоа што пациентот треба да биде во добра здравствена состојба, исто така е важно пациентот да се чувствува пријатно и сигурно, па затоа внимателно бирајте ги негувателите и максимално задоволете ги потребите на старите лица. 

Погоре ги наведовме најважните карактеристики при ангажирање на негуватели за стари лица и веруваме дека сте свесни за предностите кои ги носи домашната нега отколку негата во дом за стари лица. Доколку после читање на овој прилог се пронајдовте себеси во описот на карактеристиките за неговател, преку нашиот веб сајт www.pazar3.mk можете да ги разгледате актуелните огласи за оваа професија.

 

Кон почеток