Регистрирај Pazar3 сметка и добиј 50 денари!
Македонски | Shqip | English |

Како да засадите градина во Вашиот двор – Водич за почетници

Како да засадите градина во Вашиот двор – Водич за почетници

 

Растенијата и работата во природатa секогаш ги збогатуваат луѓето и нивните животи, и тие се суштински фактори без кои планетата дефинитивно не би била иста. Затоа не е изненадувачки што луѓето поминуваат време во природа, се занимаваат со растенија и земјоделство, наводнуваат и растат зеленчук и овошје.

Растенијата во модерното време добиваат две главни функции: декоративни и прехрамбени. Поради сето ова, платформата Pazar3.mk го става земјоделството меѓу најважните активности, имено, градинарството и растителното одгледување самостојно во дворот е одлично за стекнување на знаење и искуство за почетници во земјоделството.

Но, да се вратиме на главната точка - уредување на дворот и прашањето како да се засади градината во својот двор. Ние истражувавме за Вас, а подолу Ви нудиме неколку корисни совети и предлози - вистински водич за почетници во градинарството!

 

Избор на семе за уредување на Вашата градина

 

Без разлика дали сакате да создадете градина од која можете, ако сакате, да соберете плод и од него да се нахраните, без разлика дали се прашувате како да го разубавите Вашиот двор, или декоративната функција е она што Ве мотивира да засадите прекрасна градина - изборот на семе е првиот чекор што треба да го преземете.

Во локалната цвеќара, расадник или земјоделска аптека ќе најдете огромен избор на семиња. Може да побарате помош при изборот од продавачите - тие ќе Ви препорачаат какви семиња може да растат во одредени услови, клима и локација.

За почетници, генерално се препорачуваат растенија и зеленчук, вклучувајќи ги: боранија, домати и зелена салата. Од цвеќињата, тука се: рози и каранфили.

 

Како да се засадат растенија?

 

Кога ќе го одберете семето за садење, следниот чекор е истото да се засади. Секое растение и секое семе имаат различен метод и правила за садење. Затоа препорачуваме во продавницата да се консултирате за тоа како да го садите семето што сте го одбрале.

Потоа, книгите и Интернетот се секогаш тука за да Ве едуцираат, така што и Вие погрижете се да ги најдете најдобрите совети за секое семе поединечно. Секое растение има свое време на садење, како и берба. За тоа кога е време да се засади и кога е време да се собери, мора да се распрашате и да научите пред да го засадите растението.

За да ги заштитиме растенијата од мраз - треба да започнете да го одгледувате во затворено, на топло. Универзалното правило за садење гласи: семето се засадува под површината на земјата на дупло поголема длабочина, него што изнесува големината на семето. Сепак, ова не е ниту универзално правило - некои растенија бараат повеќе светлина, некои помалку.

Кога семето се развива, треба да се сади во поголема саксија. Кога ќе порасти уште повеќе и ги дочека пролетните и летните денови кои му одговараат (најчесто, зависи од растение до растение), тогаш е подготвено и за пресадување и за живеење во градината.

 

Како да одгледуваме растенија? - растенија во градината и грижа за нив

 

Откако ќе ги засадите растенијата и цвеќињата, време е да ги заштитите, негувате и одржувате. За нега и одржување на растението, се разбира, важно е да се наводнува секојдневно. Колку често ќе се наводнува најмногу зависи од видот на самата саксија. Истото важи и за ѓубривото кое се користи. Сепак, мислењето што е најзастапено кај градинарите е дека, без оглед на тоа за кое растение стaнувa збор, потребни се три минерали за успешен раст на растението: фосфор, азот и калиум. Покрај овие, за растенијата се исто така важни: калциум, магнезиум, сулфур и железо.

Со цел растенијата од Вашата градина да примат доволно од овие минерали важно е да користите ѓубриво. Ова е местото каде што ќе ги изберете вештачкото и органското ѓубриво, како и сите нивни подвидови. Процесот на хранење на градинарските растенија не одзема многу време.

 

Заштита на растенија од болести и штетници

 

Растенијата, како и другите живи суштества, можат да бидат погодени од болести и исто така да бидат нападнати од страна на штетници.

 

Правилен распоред на растенијата за најдобра заштита од инсекти и болести

 

Заштедата на средства против разни растителни заболувања, инсекти и штетници може многу лесно да се направи - со правилен распоред на растенија во градината. Растенијата што се „соседи“ можат да се заштитат едни со други од овие напади.

На пример: доматите се одличен сосед за моркови, магдонос и целер; морковите се за кромид, ротквици и грашок; зелена салата е најдобриот сосед за краставица, зелка и грав; гравот е најдобро да биде засаден со прокељ, тиквички и спанаќ.

 

Средства против болести на растенијата

 

За да ги заштитат од болести и штетници, луѓето се грижат за растенијата со тоа што користат хемиски средства (кои најбрзо и најефикасно делуваат против растителни заболувања и штетниците што ги напаѓаат).

Сепак, овие хемиски средства имаат лош ефект врз другите живи суштества и нивното

здравје, вклучувајќи ги и хранливите вредности на градинарските растенија. Затоа во последно време многу популарно е органското производство на растенија.

Типично е тоа што растението не се одгледува и расти со вештачки супстанции или препарати. Растенијата од органско производство од болести и штетници се заштитуваат со растителни препарати, а заразените делови од растението редовно се лекуваат и се отстрануваат.

Освен средстваата за правилен третман и правилно распоредување на растенија, секојдневната нега и грижа за растенијата ќе придонесат за нивниот правилен раст и развој.

 

Можеби уредувањето на Вашата градина е само првиот чекор, а потоа ќе започнете да работите земјоделство, или можеби ќе започнувате сопствен земјоделски бизнис. Како и да е, платформата Pazar3.mk е тука за Вас, како најпопуларен и најдобар простор за рекламирање каде секој брзо и едноставно може да ја постави својата реклама. Не се сомневаме дека Вашата градина ќе изгледа фантастично!

Кон почеток

Нашиот сајт користи колачиња (Cookies). Со кликнување на “Се согласувам” или со продолжување на користење на сајтот, се согласувате со користењето на колачињата. Доколку не се согласувате, можете да ги промените подесувањата на Вашиот пребарувач.

Повеќе Информации