Регистрирај Pazar3 сметка и добиј 50 денари!
Македонски | Shqip | English |

Работа од дома - најбараните позиции со најдобра заработувачка

 

Работните места од дома се сè почеста форма на вработување, а нивната најголема предност е во фактот дека извршувате задачи од удобноста на сопствениот дом, најчесто со темпо што сами го утврдувате. Ова е особено добра вест за секој што не е љубител на канцеларија и класично работно време од „9 до 5“, бидејќи во денешно време опциите за работа од дома се многубројни.

Оваа привилегија се должи пред се на Интернетот и дигиталниот бизнис на којшто се одлучуваат скоро сите работодавци затоа што, покрај тоа што се ефикасни и брзи, многу често тоа е значително попродуктивно од традиционалните режими.

Без разлика дали барате дополнителна работа или редовно платена работа од дома, во продолжение се неколку идеи за работи што можете да ги работите од околина што Ви одговара, со одлична заработка што во многу случаи далеку ја надминува сумата на просечните плати во Македонија.

 

#1 Работа преку Интернет – онлајн часови по странски јазици

Кога станува збор за работа од дома, тоа е претежно работа преку Интернет и една од нив и највисоко платена е држење на часови преку Интернет на англиски или друг странски јазик. Како и секоја работа преку Интернет, така и оваа бара да се поседува компјутер, добра интернет конекција, веб камера, слушалки, микрофон и мирно опкружување.

Бидејќи скоро секоја работа бара ваков вид опрема, барањата за оваа работа навистина не се големи. Она што е поважно е вашата стручност и соодветното ниво на познавање на даден јазик за да можете да го пренесете на другите. Најчесто ученици се деца, така што нивото на вашите вештини за странски јазици можеби не треба да е највисоко, освен ако работодавачот има специфични барања за нивото на едукација или поседување на одредени сертификати.

Работното време се утврдува во консултација со учениците, а единствената „лоша страна“ на оваа работа е фактот дека часовите се држат на ученици од целиот свет, што честопати бара прилагодување на различни временски зони.

Идеален кандидат за оваа работа е комуникативна и пријатна личност, бидејќи обуката честопати бара малку повеќе трпеливост и време. Можете да најдете ваков вид на работа на доверливи интернет платформи кои се специјализирани за понуди за работа од дома, и сè што Ви треба е познавање на одреден јазик и удобно опкружување од кое ќе работиш.

 

#2 Социјални мрежи – eдноставна заработка на Интернет

Менаџерите за управување со сметки на социјалните мрежи се неопходен дел од било кој успешен бизнис, а предноста на овој бизнис е што може да се направи од кое било место каде што имате пристап до Интернет од Вашиот телефон или лаптоп. Од кандидатите за оваа работа се очекува да ги знаат социјални мрежи како Instagram, Facebook, LinkedIN, Twitter и слично, како и техниката за рекламирање преку истите.

Идеалниот кандидат треба да ги знае основите на пишувањето текстови затоа што оваа работа вклучува формулирање кратки и продажни пораки за маркетинг, и неопходно е познавање на алатки за создавање визуелна содржина. Клучна е изразената креативност на кандидатот, која има големо значење во изготвување на стратегија за настапување на социјалните мрежи и на интернет воопшто.

Често се фаворизираат кандидатите кои имаат посебно знаење или искуство во одредена индустрија, затоа што на овој начин тие поуспешно и професионално пристапуваат кон целната група. Менаџерите на социјалните мрежи обично работат во големи тимови, но состаноците и целата комуникација обично се одвива преку Skype и преку други канали на онлајн комуникација.

#3 Административен асистент - работа од дома без инвестиција

Освен ако не се најдете во горенаведените професии и се прашувате како да заработите пари од дома, можеби работата за административен асистент е вистинското решение за Вас. Се работи за лице кое работи за својот работодавец преку Интернет и во описот на работното место се вклучуваат внесување на податоци, пишување извештаи, креирање на содржина, превод, управување со е-пошта и слични работи.

Виртуелните асистенти вршат многу широк спектар на активности, во зависност од барањата на самиот работодавец. Потребните вештини за оваа работа се познавање на Microsoft Office, познавање на најмалку еден странски јазик, брзо пишување, познавање на алатка на масовно испраќање на маилови и алатки за масовно складирање на податоци.

Посебните услови се договорени со работодавецот, а работното време обично зависи единствено од Вас, се додека ги почитувате претходно договорените рокови за одредените задачи.

 

#4 ИТ работни места - работа од дома со целиот свет

ИТ-професионалците можат да ги завршат своите работни обврски од дома со исклучително добра заработка, но Ваквиот ангажман бара голема стручност и искуство со одредени технологии, така што овој вид работа од дома се препорачува само на оние што се навистина во „ИТ светот“.

ИТ професионалците многу често соработуваат со тимови и работодавци ширум светот, и сето ова од Вашата сопствена фотелја со флексибилно работно време, постојано усовршување и многу простор за напредок. Сето ова е добра причина што многу ИТ професионалци претпочитаат да избираат домашна околина наспроти канцеларија.

 

#5 Рачна работа - креативни бизнис идеи за работа од дома

Кога станува збор за работа од дома, рачната работа е една од најдобрите опции, што бара одредени таленти. Ако сте уметничка душа, обожавате да создавате и уживате детали, секогаш можете да се одлучите за изработка на накит, шиење уникатни парчиња, правење украсни работи и слично.

Оваа работа бара и инвестирање во работни материјали, машини и друга опрема, но со добра промоција и оригинален изглед на социјалните мрежи, рачно изработените производи имаат голема побарувачка. И во овој случај, станува збор за заработка преку Интернет, бидејќи социјалните мрежи се исто така денес најдобриот начин да се презентира и рекламира својот бизнис.

 

#6 Блогирање - профитабилен бизнис на Интернет

Блогирањето во моментов е најпопуларната онлајн работа од дома, а заработката е скоро загарантирана ако имате автентичен настап и „она нешто“ што ќе го привлече вниманието на публиката.

Блог може да започне секој без никакви инвестиции, но во овој бизнис опстојуваат само оние кои имаат специфична таргет група. Без разлика дали станува збор за патување, мода или која било друга област, место на Интернет има за секој!

Во овој бизнис важно е да се биде поразличен и пооригинален во однос на застапените трендови, бидејќи интернетот и социјалните мрежи нудат огромен број на содржини, во кои не е лесно да се издвоите и создадете Ваша публика.

Овие се некои од најпопуларните работи што можете да ги извршувате од дома, како постојана или дополнителна работа - во зависност од вашите желби. Секоја работа бара одредени вештини што можат да се совладаат многу брзо и лесно, и на Вас е да ја најдете идеалната работа и да започнете да ја работите од околината што Ви одговара најмногу.

Кон почеток