Македонски | Shqip | English |

Што е поисплатливо - да се купи или да се изнајми нов дом?

Одлуката да се купи или изнајми куќа или стан, воопшто не е едноставна. Со овој текст би сакале да Ви помогнеме да ги измерите предностите и слабостите на купувањето наспроти изнајмувањето. 

 

1. Поседувањето куќа или стан претставува одлична инвестиција и можност за постојан прилив на пари.

2. Изнајмувањето нуди голема флексибилност. Многу е полесно да се преселите доколку се случи неочекуван настан, имате потреба од селење во друг град и слично.

3. Сопствеништвото на стан или куќа Ви дава чувство на стабилност и сигурност.

4. Цената на киријата варира, а сопствениците не толку ретко знаат и да ја променат цената на средината од Вашиот престој.

5. Имањето на сопствен дом, стан или куќа носи и голема одговорност и трошоци за оддржување.

6. Купувањето на стан или куќа има високи почетни трошоци.

7. Изнајмувањето, на долг рок се смета за лоша инвестиција бидејќи имате постојани месечни трошоци, а никаков извор на приход ниту можност за идна заработка.

8. Постојат можности кои го олеснуваат процесот на купувањето нов дом како субвенционирани станбени кредити и институции кои нудат поволни каматни стапки за купување на стан или куќа. 

Интересот за  недвижнини е навистина голем! Само на www.pazar3.mk во моментов се продаваат/изнајмуваат неверојатни *82.180 станови, и 15.244 куќи/вили. Од нив, како што би можеле и да претпоставите, дури 71.696 станови и 8.427 куќи/вили се во Скопје. При донесувањето на одлуката за купување или изнајмување мора да се размисли и за локацијата, како значаен фактор кој во голема мера ја определува цената на изнајмување или продавање на куќи или станови. 

Купувањето и продавањето имаат свои предности и слабости. На крај, се зависи од Вашите лични потреби и можности, но секако таквата одлука бара време и доста истражување за да се разгледа понудата и сите достапни можности за купување или изнајмување.

 

* Податоци од 26.08.2019

 

Кон почеток