Регистрирај Pazar3 сметка и добиј 50 денари!
Македонски | Shqip | English |

Уредување на ентериер во Македонија

Уредување на ентериер во Македонија - овие стилови се најпопуларни

 

Внатрешната декорација која ја прават професионалци, но и сите оние што можат да се пофалат со имагинација и љубов кон естетиката, никогаш не била по популарна! Професионален внатрешен дизајн значи: дизајнирање на просторот што треба да биде што е можно повеќе пофункционален, да одговара на потребите на сите што живеат во него, притоа да биде убав и гостопримлив.

Ако се прашувате: Како да го декорирате ентериерот?, Пазар3 платформата за огласување, години наназад е во бизнисот со недвижнини - тоа се прави на нашата платформа секој ден, купување и продажба на станови и куќи во Македонија.

Со оглед на нашето искуство на Интернет, дознавме многу за дизајнот на ентериер! Дали знаевте дека становите со убаво украсени ентериери генерално успеваат да се продаваат по многу повисока цена, и многу побрзо и се издаваат?!

Без разлика дали барате стан во кој сакате да се преселите или продавате недвижен имот - сигурно сакате да знаете кои стилови за ентериерното уредување во Македонија се најпопуларни. Ние истраживме за Вас и ќе Ви ги претставиме во продолжение!

 

Декорирање на ентериерот на Скандинавски начин

Скандинавски стил на ентериер

Иако е далеку, Скандинавија служи како одличен модел при дизајнот на ентериер во Македонија. Во последно време скандинавскиот стил на украсување на ентериер стана се повеќе популарен и тоа ја симболизира едноставноста на животот во нордиските земји. Скандинавскиот стил на уредување на ентериерот е карактеристичен по тоа што остава впечаток за вистинско уметничко дело.

Најкарактеристично за скандинавскиот ентериер се: светли бои, најмногу бели, мебел со природен изглед (многу дрвени детали), светли паркет подови и често позадина во нежна боја или шема како што е, на пример, бела тула. Клучот е во малку мебел и многу простор. Сепак, целиот мебел треба да биде функционален и со висок квалитет. „Помалку е повеќе“, е мотото на дизајнерите за внатрешен ентериер.

 

Традиционален дизајн на ентериер

Оние кои сакаат да задржат нешто старомодно во својот дом, најчесто се одлучуваат за традиционален дизајн на ентериер. Ги знаете оние завеси од баба, кои како дете можеби не Ви се допаѓале, но кога пораснавте ја сфативте вредноста на (обично рачно изработените) ткаени чипки и нивната убавина?

Па, тие можат да изгледаат исклучително стилски и убаво да се вклопат во топол ентериер што е украсен традиционално, но на современ начин.

Традиционален ентериер

Традиционалната внатрешна декорација се карактеризира со темно дрво и топол тон на осветлување. Бои како што се: црвена, зелена, исто така други земјени, природни бои играат голема улога во таквите ентериери. Топло, традиционалниот амбиент е прекрасно надополнет со поголеми парчиња мебел и материјали како што се кадифе и лен.

 

Индустриски стил - младите го обожаваат тоа

Вистински хит во светот на ентериерот е индустрискиот стил на декорација. Не само во Македонија, туку и на светско ниво! Во нашата област, овој стил за прв пат беше применет од сопствениците на угостителските објекти, така што овој стил на уредување го има во се голем број кафулиња и ресторани во поголемите градови во Македонија.

Индустриски стилОткако беше популаризиран од угостителските објекти, луѓето во Македонија се повеќе се одлучуваат за индустриски стил при уредување на нивните домови. Индустрискиот дизајн на ентериер е инспириран од современиот живот и урбаната средина.

Најкарактеристични за индустрискиот ентериер се суровините. Така, на пример, основата на креветот може да биде направена од дрвени гајби или дрво што останува автентично по изглед и не се маскира со боја и лак. Најидеален индустриски стил може да биде дизајниран на големи простори со високи тавани.

 

Ако барате стан или куќа чиј ентериер сакате да го декорирате на специфичен начин - сигурни сме дека Ве инспириравме и Ви дадовме идеи како да го уредите! Можете лесно да креирате и поставите оглас на нашата платформа и да купите, изнајмите или продадете недвижен имот, но и сè друго! Среќно!

Кон почеток